Al-Shabaab ma dhoofin karaan macdanta Niyuukleerka laga sameeyo?

Your ads will be inserted here by

Easy Plugin for AdSense.

Please go to the plugin admin page to
Paste your ad code OR
Suppress this ad slot.

Dowladda Soomaaliya ayaa dhawaan ka codsatay Mareykanka taageero milatari oo deg deg ah sababtuna waxay ku sheegtay mintidiinta Al-Shabaab ay qorsheynayaan in dalka Iraan ay u dhoofiyaan macdanta Yuuraaniyaamta.

Wasiirka Arrimaha Dibadda Soomaaliya Yuusuf Garaad Cumar oo dhambaal u diray safiirka Mareykanka u fadhiya Soomaaliya, Stephen Schwartz, ayaa sheegay in kooxda mintidka ahi ay qabsatay dhul muhiim ah oo hodan ku ah macdanta Yuuraaniyaamta oo ku yaala bartamaha Soomaaliya, gaar ahaan Galmudug.

Sida ku cad dhambaalka wasiirka arrimaha dibadda ee Soomaaliya, ujeedada Al-Shabaab ayaa ah in macdantaasi ay u dhoofiso dalka Iraan.

Dhambaalkaasi ayaa lagu sheegay in arrintaasi ay halis ku tahay guud ahaan beesha caalamka, oo ay ku ekaan doonin oo kaliya xudduudaha Soomaaliya.

“Mareykanka oo kaliya ayaa awood u leh in uu ogaado isla markaana uu burburiyo shakhsiyaadka Al-Shabaab ee ka hawlgala dalkayaga,” ayuu Yuusuf Garaad ku yiri dhambaalkiisa.

Wasiirku waxa uu intaasi ku daray ” Wakhtiga duqeynta bartilmaameedka leh iyo ka qaybqaadashada xaddidan waa la soo dhaafay, maaddaama dhibaatooyinka Soomaaliya ay la falgashay dhibaatooyinka caalamka. Maalin kastaa oo dhammaata iyada oo aanay jirin faragelin ayaa waxaa ay siineysaa cadawga Mareykanka agab dheeraad ah oo loogu talagalay hubka Niyuukleerka.”

Inkastoo xukuumadda Muqdisho ay kaalmo milatari oo deg deg ah weydiisaneyso Mareykanka sababo la xiriira dhibaatada hadda jirta oo ka baaxad weyn ciidamada hawlgalka midowga Afrika ee waddankeeda jooga, haddana waaxda arrimaha dibadda Mareykanka wali kama aysan jawaabin codsiga Soomaaliya.

Haseyeeshee warbaahinta Mareykanka ayaa sheegtay in dhambaalkaasi uu soo gaaray waaxda arrimaha dibedda ee Mareykanka.

Khubarada ayaa siyaabo kala geddisan uga hadlay codsiga dowladda Soomaaliya, waxayna qaarkood shaki gelinayaan awoodda Al-Shabaab ay ku dhoofin karaan macdantaasi.

Cabdiqaadir Xaaji Xasan oo ku takhasusay cilmiga kheyraadka dhulka hoostiisa ayaa ku doodaya in ay adag tahay in balse ay suuragal tahay in Shabaabku uu macdantaasi isku dayo in uu dhoofiyo.

“Ciidda iyo macdanta Yuuraaniyaamta in la kala garta waa ay adag tahay, waxayna u badan tahay in Shabaabku uusan haysan qalab iyo khibrad ay ku kala soocaan haddiiba ay jirto,” ayuu yiri Cabdiqaadir oo BBC-da la hadlay.

Cabdiqaadir wuxuu intaasi ku daray “Balse waxay sameyn karaan sida horeyba aan maleynayo in ay u dhacday in jawaanno ka buuxiyaan carrada iyo macdanta oo isku jira dabadeedna ay isku dayaan in ay dibadda u dhoofiyaan.”

Your ads will be inserted here by

Easy Plugin for AdSense.

Please go to the plugin admin page to
Paste your ad code OR
Suppress this ad slot.

Dadka ka faallooda arrimaha Soomaaliya ayaa sheegaya in codsigaasi looga gol-leeyahay in lagu kasbado ciidamo badan oo Mareykan ah in ay ka hawlgalaan Somaaliya oo Al-Shabaab ay hadda ka waddo olole rabshado wata.

Cabdirashiid Khaliif Xaashi oo wasiir ka soo noqday Soomaaliya, haddana ah agaasimaha machadka daraasaadka ee Heritage ee fadhigiisu yahay Muqdisho ayaa sheegay in markii ugu horreysay ee uu arkay dhambaalka wasiirka arrimaha dibadda ee Soomaaliya uu u maleeyay in uu yahay mid been abuur ah.

Balse inkastoo dowladda Soomaaliya ay xaqiijisay jiritaanka dhambaalkaasi, Xaashi waxa uu walaac ka muujinayaa dhowr arrimood oo ku saabsan dhambaalkaasi.

Xaashi ayaa VOA u sheegay “Ugu horreyn, dhambaalkaai waxaa qoray wasiir waxaana loo diray safiir; waxa ay ahaan lahayd in uu u diro dhiggiisa Mareykanka.”

Dhambaalka Yuusuf Garaad Cumar ayaa sidoo kale Al-Shabaab ku tilmaamay in ay xiriir la leedahay Daacish, iyadoo dhab ahaantii muddo dheer lala xiriirinayay Al-Qaacidda, arrintaa oo shaki ka qabo Xaashi.

“Waxay ahayd sidoo kale Al-Shaab la xiriiriyeen Daacish, mana lala xiriirin karayo,” ayuu yiri Xaashi.

Daacish waa magac loo adeegsado in loogu yeero mintidiinta kooxda dowladda Islaamka.

Sheegashada dowladda Soomaaliya ee ah in Al-Shabaab ay xiriir la leedahay Daacish ayaa ah mid aan waafaqsanayn xaqiiqada ka jirta gudaha Soomaaliya, halkaasi oo mintidiinta Shabaabku ay khaarajiyeen taageerayaasha kooxda Daacish.

Al-Shabaab iyo mintidiin daacad u ah kooxda dowladda Islaamka ayuu dhowr jeer gacan ka hadal gudaha Soomaaliya ku dhex marayay tan iyo sandkii 2015-kii.

Mar Xaashi wax laga weydiiyay eedeynta ah in Iraan ay dooneyso macdanta Yuureeniyaanta ee Soomaaliya ayaa ku jawaabay “Waddankani waa mid burburay…. haddii Iraan ay wax uga baahan tahay Soomaaliya, waa suurtagal in ay rumeysan yihiin in ay ka heli karaan sababtoo ah dalkan ayaa ah mid cid kastaa u furan.”

Haseyeeshee Cabdirashiid Xaashi waxa uu leeyahay waxaa suurtagal ah in codsigaasi looga gol-lahaa sidii taageero milatari oo dheeraad ah looga heli lahaa Washington.

Mareykanka ayaa waxaa Soomaaliya ka jooga ciiadmo tiro yar oo tababaraya ciidamada gaarka ah ee Soomaaliya.

Mareykanka ayaa tan iyo sandikii 2011-kii waxa uu sidoo kale qaaday hawlgallo duqeyn ah oo ka dhan ah Al-Shabaab, kuwaasi oo lagu dilay xubno sar-sare oo ka tirsam Shabaabka.


Fikradaha Akhristayaasha (0)




WARAR KALE

deg Deg Deg:-Sarkaal ka howlgala garoonka Aadan oo saakay la dilay
- Sep 20, 2017
Dadka degaanka xaafada Suuqa Maanaboolyo ee degmada Boondhere ayaa sheegay in saakay lagu dilay ...
United Nations Secretary-General Antonio Guterres speaks during the 72nd session of the United Nations General Assembly at U.N. headquarters, Tuesday, Sept. 19, 2017.  (AP Photo/Mary Altaffer) Lacagta Xubinimada QM ee Soomaaliya lagu Leeyahay
- Sep 20, 2017
Qoraal lagu daababay bogga Qaramada Midoobay, kaas oo ku taariikhaysan 07 September 2017, kana ...
Volunteers search a building that collapsed after an earthquake, in the Roma neighborhood of Mexico City, Tuesday, Sept. 19, 2017. A magnitude 7.1 earthquake has rocked central Mexico, killing at least 55 people as buildings collapsed in plumes of dust and thousands fled into the streets in panic. (AP Photo/Eduardo Verdugo) 134 Qof oo ku Dhimatay Mexico
- Sep 20, 2017
Wararka ka imanaya dalka Mexico ayaa sheegaya inuu halkaas ka dhacay dhul-gariir xooggan, oo ...
trump Trump oo Shirka Qm ka qudbeenaya
- Sep 19, 2017
Madaxweynaha Mareykanka Donald Trump ayaa lagu wadaa inuu maanta ka jeediyo khudbadiisii ugu horreysay ...
xarig Meydka nin is daldalay oo lagu arkay Galgaduud (DHAGEYSO)
- Sep 18, 2017
Wararka ka imaanaya gobolka Galgaduud ayaa sheegaya in degaanka Ceel dheere ee gobolkaasi lagu ...
_97842568_b33ba116-7b1e-44ea-82c9-7789605abb6a Snapchat oo Aljazeera ka xannibay Sacuudiga
- Sep 18, 2017
Barta ay bulshadu ku xiriirto ee Snapchat ayaa warbaahinta Aljazeera ka xayirtay in waxyaabaha ...
06cd1be0cd34d666c17b13a5b59b9f16_920_420 Kooxda Al-saadicun Bil Xaq oo lagu daray Liiska Argagexisada
- Sep 18, 2017
Xeer ilaalinta dalka Masar ayaa loo gudbiyay dalabka ku saabsan in kooxda Al-saadicuun Bil ...
police Nin kale oo loo Qabtay Weerarkii London
- Sep 18, 2017
Booliska dalka Ingiriiska ayaa sheegay in ay xireen qof labaad oo looga shakisanyahay inuu ...
farmaajo Dowladda Somalia oo wali cadaadis kala kulmaysa isbahaysiga Sacuudiga iyo Imaaradka
- Sep 16, 2017
Macluumad qarsoodi ah oo ay heshay jariidada Al-badiil ayaa sheegaysa in Dowladda Soomaaliya ay ...
baarlamaanka_-740x416 Mooshin ka dhan ah R/W oo la horgeenayo Barlamaanka
- Sep 9, 2017
Ku dhawaad 50 mudane oo ka tirsan xildhibaanada Golaha shacabka ayaa maanta horgeenya mooshin ...