Top News:-Madaxweyne Farmaajo Guulihii uu kala soo laabtay Ethiopia

Your ads will be inserted here by

Easy Plugin for AdSense.

Please go to the plugin admin page to
Paste your ad code OR
Suppress this ad slot.

Dhawaan magaalada Addis Ababa ee dalka Itoobiya waxaa booqasho ku tagay madaxweynaha Soomaaliya Maxamed Cabdullaahi Farmaajo. Booqashadan oo ahayd tii ugu horreysay tan iyo markii la doortay ayay dad badan oo Soomaali iyo ajanabi ahba aad u hadal hayeen maadaama madaxweyne Farmaajo loo arkayay in uusan xiriir wanaagsan la lahayn deriskiisa Itoobiya.

Farmaajo ayaa loo arkayay in uusan ahayn dooqa Itoobiya xilligii ay socotay doorashadii Soomaaliya, waxaana guushiisa markii dambe loo aaneeyay xamaasad waddaniyad ku dhisan oo laga dhex dareemayay shacabka Soomaalida.

Soomaali badan ayaa rumeysnayd in madaxweynaha cusub uu yahay waddani isla markaana uu wax ka qaban doono faragelinta dalka ku hayaan waddamada deriska ah, iyaga oo si gaar ah farta ugu fiiqayay Itoobiya.

Sidii madaxdii hore ee Soomaalida, Farmaajo safarkiisii ugu horreeyay ee dibadda kama uusan billaabin dalka Itoobiya, arrintaa oo ay u riyaaqeen dad badan. Balse dadka qaar ayaa u arkayay in madaxweynuhu ay tahay in uusan iska indha tirin saameynta Itoobiya ku leedahay arrimaha Soomaaliya.

Madaxweyne Farmaajo oo ay booqashadiisa ku wehliyeen mas’uuliyiin kale oo ka tirsan dowladdiisa ayaa waxaa si diiran u soo dhaweeyay ra’iisalwasaaraha Itoobiya Hailemariam Desaleng. Soo dhaweyntaasi oo ka duwaneed sidii loo soo dhaweyn jiray madaxdii ka horreysay Farmajo ayay dad badan u arkaan inay furtay bog cusub.

Ammaanka

Kulanka labada mas’uul ayaa ahaa mid arrimo badan laga wada hadlay. Waxyaabaha ugu muhiimsan ayaa ahaa iskaashiga dhanka ammaanka ee labada dhinac .

Sida laga arkay muuqaal lagu baahiyay barta intarneedka ee madaxtooyada Soomaaliya, ra’iisalwasaaraha Itoobiya waxa uu sheegay in isaga iyo Farmaajo ay ka wada hadleen sidii la isaga kaashan lahaayeen horumarka dhaqaale ee labada waddan iyo in wax laga qabto arrinta abaaraha oo uu sheegay in dhibaatada ugu xoogan ay haysato Soomaaliya.

Wasiirka arrimaha dibedda ee Soomaaliya, Yusuf Garaad ayaa sheegay in dowladda Soomaaliya ay soo dhoweyneyso horumarinta gobol kasta oo Soomaaliyeed, wuxuuse sheegay inay Itoobiya u sheegeen in loo baahan yahay ‘in aan horumarintaasi aanay noqon mid wiiqi karta Madaxbannaanida iyo wadajirka dhuleed ee dalka’.

Ra’iisal Wasaaraha itoobiya Hailemariam Desaleng ayaa carabka ku adkeeyay in Itoobiya ay aqoonsan tahay madaxbannaanida iyo wadajirka dalka Soomaaliya.

Wuxuu sheegay in Dowladdiisa ay arrimaha siyaasadda dibadda ee Soomaaliya ay si toos ah ugala xiriiri doonto dowaldda federaalka.

Dowladda Itoobiya ayaa qeyb ka ah dalalka ku tabarucay ciidammada Midowga Afrika ee AMISOM. Tan iyo sanadkii la soo dhaafay Itoobiya waxay ciidammadooda baneeyeen goobo muhiim ah oo qaarkood ay la wareegeen kooxda Alshabaab.

Your ads will be inserted here by

Easy Plugin for AdSense.

Please go to the plugin admin page to
Paste your ad code OR
Suppress this ad slot.

Waxaa u dambeysay oo ay ka baxeen bishii la soo dhaafay Ceelbuur ee gobolka Galmgaduud oo ay gacanta ku hayeen muddo 3 sano ka badan.

Waxay sidoo kale horay u baneeyeen oo ay Shabaabku la wareegeen Halgan, Ceel Cali, Moqokori,Rabdhuure, Buur dhuxunle, iyo Garasweyne iyo deegaanno kale.

Itoobiya waxay sheegtay in ciidammada ay la baxday aysan qeyb ka ahayn AMISOM, mana cadda qorshaha ay markii horaba ku joogeen.

 

Desaleng, waxa uu sheegay in dowladda Soomaaliya ay u baahan tahay taageero caalami ah sidii ay u hanan lahayd amniga dalka oo ah waajibaadka dowlada Federaalka.

Madaxbannaanida

Arrinta kale ee aadka u soo jiidatay Soomaalida ayaa ahayd madaxbannaanida iyo wadajirka dhuleed ee Soomaaliya iyo faragelinta Itoobiya ee arrimaha Soomaaliya.

Ra’iisalwasaaraha Itoobiya ayaa sheegay in waligood aysan gacan dhaafin dowladda Federaalka, waxa uuna intaasi ku daray in markastaa oo ay doonayaan in ay la macaamilaan maamul goboleedyada ay ruqsad ka qaadan jireen dowladda Federaalka.

Waxa uu sheegay in isagu laf ahaantiisa uusan u dul qaadan karin in loo gacan dhaafo maamullada dalkiisa, oo iyaga si toos ah loola macaamilo.

”Iyadoo aan oggolaansho ka helin dowladda federaalka ee Soomaaliya, Itoobiya iyo waddan kale toona ma ahan inay farageliyaan madaxbannaanida iyo qarannimada Soomaaliya. Waxaan filayaa inay arrintani caddahay. Anigu qof ahaan ma aqbali karo in waddanna uu si toos ah u soo fara geliyo arrimaha dalkeyga isagoo aan oggolaansho iga haysan, Soomaaliyana waa sidaas oo kale,” ayuu yiri ra’iisalw asaraaha Itoobiya.

”Socdaalka Madaxweynaha Soomaaliya, Maxamed Cabdullaahi Farmaajo, uu ku tegey dalka Ethiopia wuxuu dhabbe u falay wada shaqeyn iyo iskaashi nooc hor leh oo wanaagsan oo dhex mara Soomaaliya iyo Ethiopia kaas oo ku qotoma is qaddarin iyo wada faa’iideysi siman”, ayuu yiri wasiirka arrimaha dibedda ee Soomaaliya Yusuf Garaad

Balse Dr Cabdiwahaab cabdisamed oo ka faalooda arrimaha Afrika ayaa sheegay in Itoobiya looga baahanyahay inay la timaado ficil waafaqasan hadallada ka soo yeeray.

Waftiga labada dal ayaa ku heshiiyay in la abuuro guddi ka kooban labada dhinac oo ka shaqeyn doono fulinta waxyaabihii ay madaxda ku heshiiyeen.


Fikradaha Akhristayaasha (0)




WARAR KALE

deg Deg Deg:-Sarkaal ka howlgala garoonka Aadan oo saakay la dilay
- Sep 20, 2017
Dadka degaanka xaafada Suuqa Maanaboolyo ee degmada Boondhere ayaa sheegay in saakay lagu dilay ...
United Nations Secretary-General Antonio Guterres speaks during the 72nd session of the United Nations General Assembly at U.N. headquarters, Tuesday, Sept. 19, 2017.  (AP Photo/Mary Altaffer) Lacagta Xubinimada QM ee Soomaaliya lagu Leeyahay
- Sep 20, 2017
Qoraal lagu daababay bogga Qaramada Midoobay, kaas oo ku taariikhaysan 07 September 2017, kana ...
Volunteers search a building that collapsed after an earthquake, in the Roma neighborhood of Mexico City, Tuesday, Sept. 19, 2017. A magnitude 7.1 earthquake has rocked central Mexico, killing at least 55 people as buildings collapsed in plumes of dust and thousands fled into the streets in panic. (AP Photo/Eduardo Verdugo) 134 Qof oo ku Dhimatay Mexico
- Sep 20, 2017
Wararka ka imanaya dalka Mexico ayaa sheegaya inuu halkaas ka dhacay dhul-gariir xooggan, oo ...
trump Trump oo Shirka Qm ka qudbeenaya
- Sep 19, 2017
Madaxweynaha Mareykanka Donald Trump ayaa lagu wadaa inuu maanta ka jeediyo khudbadiisii ugu horreysay ...
xarig Meydka nin is daldalay oo lagu arkay Galgaduud (DHAGEYSO)
- Sep 18, 2017
Wararka ka imaanaya gobolka Galgaduud ayaa sheegaya in degaanka Ceel dheere ee gobolkaasi lagu ...
_97842568_b33ba116-7b1e-44ea-82c9-7789605abb6a Snapchat oo Aljazeera ka xannibay Sacuudiga
- Sep 18, 2017
Barta ay bulshadu ku xiriirto ee Snapchat ayaa warbaahinta Aljazeera ka xayirtay in waxyaabaha ...
06cd1be0cd34d666c17b13a5b59b9f16_920_420 Kooxda Al-saadicun Bil Xaq oo lagu daray Liiska Argagexisada
- Sep 18, 2017
Xeer ilaalinta dalka Masar ayaa loo gudbiyay dalabka ku saabsan in kooxda Al-saadicuun Bil ...
police Nin kale oo loo Qabtay Weerarkii London
- Sep 18, 2017
Booliska dalka Ingiriiska ayaa sheegay in ay xireen qof labaad oo looga shakisanyahay inuu ...
farmaajo Dowladda Somalia oo wali cadaadis kala kulmaysa isbahaysiga Sacuudiga iyo Imaaradka
- Sep 16, 2017
Macluumad qarsoodi ah oo ay heshay jariidada Al-badiil ayaa sheegaysa in Dowladda Soomaaliya ay ...
baarlamaanka_-740x416 Mooshin ka dhan ah R/W oo la horgeenayo Barlamaanka
- Sep 9, 2017
Ku dhawaad 50 mudane oo ka tirsan xildhibaanada Golaha shacabka ayaa maanta horgeenya mooshin ...