Ku dhawaaqista Magacyada Golaha Wasiirada Soomaaliya oo dib u dhacday iyo sababta

Your ads will be inserted here by

Easy Plugin for AdSense.

Please go to the plugin admin page to
Paste your ad code OR
Suppress this ad slot.

Ku dhawaaqista Liiska Magacyada Golaha Wasiirada Xukuumadda Jamhuuriyadda Federaalka Soomaaliya ee uu hogaaminayo Ra’iisul wasaare Xasan Cali Kheyre oo lagu waday in la shaaciyo fiidnimadii caawa ayaa dib u dhacday illaa iyo dabayaaqada todobaadka soo aadan , gaar ahaan mid ka mid ah Maalmaha ay taariikhdu ku beegan tahay March 21, 22 iyo 23 .

Golaha Wasiirada cusub oo tiradooda lagu sheegay (30 Wasiiro , 30 Wasiir kuxigeenno iyo 10 Wasiiru dowlayaal), taasi oo ka dhigan in liiska lagu arki doono Wasaarado cusub sida Dalxiiska, Deegaanka, Dib u heshiisiinta iyo kuwa kale ayaa sababi karta in loo waayo Wasaaradahaasi xarumo ay ku shaqeeyaan waa haddii aanay Xukuumaddu u howlgelin dib u dhiska iyo faarujinta xarumihii hore ee dowladda oo dad ay deegaansadeen.

Dib u dhaca shaacinta Golaha Wasiirada ayaa loo cuskinayaa culeysyo ka jira xulidda shakhsiyaadka Wasiirro ka kala noqon lahaa Wasaaradaha Arrimaha Dibadda, Maaliyadda iyo Gaashaandhigga oo ah seddexda Wasaaradood ee ugu saameynta badan dowladda marka la eego Wasaaradaha loogu yeero Darajo “A”.

Wasaaradda Arrimaha Dibadda oo ay ku loolamayaan shakhsiyaad hore Wasiirro u ahaa iyo diblomaasiyiin ayaa dad badan ay eegayaan qofka loo huwin doono.

Warar soo baxay ayaa sheegaya in Xilka Wasiirka Arrimaha Dibadda ay ku loolamayaan Wasiirkii Maaliyadda ee Xukuumadda sharciyaddeedu ay idlaatay  Maxamed Aadan Ibraahim “Fargeeti”, Wasiirkii Caafimaadka ee Xukuumadda sharciyaddeedu ay dhammaatay  Maxamed Xaaji Cabdinuur “Madeer”,  Safiir kuxigeenkii hore ee Soomaaliya ee dalka Algeria Dr. Xasan Maxamuud Cali iyo shakhsiyaad kale.

Si la mid ah Wasaaradaha Maaliyadda iyo Gaashaandhigga ayaa la filayaa in loo magacaabo Wasiirro cusub oo dib u xoojiya hannaanka dib u qaabeynta Maaliyadda, la dagaalanka musuq maasuqa iyo dib u dhiska Ciidanka Xoogga Dalka Soomaaliya.

Dad ku dhow Madaxtooyada ayaa sheegaya in Golaha Wasiirada la shaacin doono ka hor inta aanu Madaxweynaha u ambabixin dalka Kenya.

Madaxweyne Farmaajo ayaana March 21 u ambabixi doona Magaalada Nairobi, halkaasi oo la filayo in si heer qaran ah loogu soo dhoweeyo kadib casuumaad rasmi ah oo Madaxweynaha Kenya Uhuru Kenyatta uu u fidiyay, waxa ayna labada Madaxweyne yeelan doonaan kulan heer sarreeya oo looga hadli doona danaha labada dal.

Sidoo kale Madaxweyne Maxamed Cabdullaahi Farmaajo ayaa March 25 uga qeybgali doona Kenya Shir madaxeed gaar ah oo Madaxda dalalka ku jira urur goboleedka IGAD ay kaga hadli doonaan qaxootiga Soomaaliyeed ee ku kala firirsan Kenya (324,000) , Ethiopia (241, 000) , Yemen ( 255,000),  Uganda (39,500) iyo Djibouti ( 13, 000) .

Xigasho Jowhar


Fikradaha Akhristayaasha (0)




WARAR KALE

al shababb Al-shababkii ugu badnaa oo ka gudbay Xadka Somalia & Kenya
- Oct 14, 2017
Ciidamada dalka Kenya ayaa sheegay inay xoojiyeen raadinta koox ka tirsan Xarakada Al-shabaab oo ...
farmaajo Farmaajo oo cambaareeyay Weerarkii Las Vegas
- Oct 3, 2017
Warsaxaafadeed ka soo baxay Xafiiska Madaxweynaha Soomaaliya oo ku Qornaa Luuqada Engilsih-ka ayaa lagu ...
_97984027_15b91fcf-84a2-4684-bff7-f94f1f9fde04 R/W Kheyre oo ka hadlay lacago badan oo ay ka heleen Sacuudiga
- Oct 3, 2017
Ra’iisul Wasaaraha Xukuumada Federaalka Soomaaliya, Mudane Xasan Cali Khayre ayaa Boqortooyada Sucuudiga uga mahadceliyey ...
somaliland Somaliland oo walaac ka muujisay saldhiga Turkiga ee Muqdisho
- Oct 3, 2017
Wasiirka Gaashaandhigga Somaliland Axmed Xaaji Cali Cadami oo la hadlay Saxafadda Gudaha Somaliland ayaa ...
farmaajo1-620x330 Madaxweyne Farmaajo maanta u safraya Sudan
- Oct 3, 2017
Madaxweynaha Soomaaliya Maxamed C/llaahi Farmaajo iyo Wafdi uu Hogaaminayo ayaa Maanta lagu wadaa in ...
qaxoo WFP oo soo saaray war ay ka naxeen Qaxootiga Soomaalida Kenya
- Oct 3, 2017
Barnaamijka Cunadda Aduunka ee QM ayaa isniintii ku dhawaaqay in la dhimi  doono Qoontada ...
japan Weerar ka dhacay gobolka Kashmir
- Oct 3, 2017
Dad looga shakisan yahay in ay malayshiyo yihiin ayaa weerar ku qaaday saldhig ay ...
xabsi Somali Canadian oo lagu xiray Canada
- Oct 2, 2017
Booliiska dalka Canada ayaa Xiray Nin Soomaali ah kaasi oo Gaari iyo Tooreey ku ...
ciidan Howlgalka Xaslinta oo wali laga sameenayo Banaadir
- Oct 2, 2017
Ciidmada dowladda Soomaliaya ayaa xalay howlgallo dad badan lagu qaqabtay waxa ay ka sameeyeen ...
wareguul Qorshaha cusub ee Wasiradda Hirshabelle
- Oct 2, 2017
Madaxweynaha Maamulka Hirshabeelle Maxamed Cabdi Waare oo ku sugan Magaalada Muqdisho ayaa wareysi gaar ...